අනුහස්ගේ නරකම පුරුද්ද මොකක්ද?

දෙවැනි ඉනිමේ අනුහස් ගැන අප‍්‍රකට තොරතුරු කිහිපයක්

කැමතිම රංගන ශිල්පිනිය 

දුලිකා මාරපන අක්කාගේ රංගනයට මාර ආසයි.

කැමතිම රංගන ශිල්පියා

ආනන්ද අංකල් තමයි. (ධර්මප‍්‍රිය ඩයස්)

ජීවිතයට වඩාත් සමීපතම ගැහැනිය සහ පුරුෂයා

අම්මි තමයි. අපේ අම්මි වැඩිපුර කතාබහ කරන්නේ නැති සැර පරුෂ කෙනෙක්. ඒ  සැර පරුෂකමේ තියෙන්නෙත් ආදරය. ඒක අම්මාගේ විදිය. හුගක්ම සමීප පුරුෂයා නම් තාත්තා

රවීන්ට ගෙදරදි ආමන්ත‍්‍රණය කරන්නේ?

මට නංගියි මල්ලියි ඉන්නවා. ඒ නිසා මම තමයි වැඩිමලා. ඉතිං ලොකූ කියනවා. ලොකු පුතා කියනවා. තරහා ගියාම තව තව ඒවත් කියනවා

ආදර සිතුවිල්ලක් හාහාපුරා කියලා පහළ වුණේ?

ඉස්කෝලේ යනකාලේ ඉතිං ඔය දන්නැද්ද.... වයසේ වැරැද්දට එකක් දෙකක් පස්සේ ගියා. ඒත් ඉතිං එහෙම එකක්වත් කරගන්න පුළුවන්කමක් තිබ්බේ නෑ ඒ කාලේ. ඒක ආදරයකුත් නෙමෙයි. හෝමෝන ක‍්‍රියාකාරිත්වය නිසා වෙන පෙළඹවීමක් විතරයි. 

ජීවිතයේ ගොඩක්ම දුක හිතුන දවසක්

මගේ සීයා නැතිවුණ දවස (මවගේ පියා). සීයා අපිට හරි ආදරෙයි. මගේ ජීවිත කාලේදි ඉස්සෙල්ලාම මැරුණු වැඩිහිටියා තමයි සීයා. ඒ අත්දැකීම හරිම වේදනාකාරියි.

වඩාත් සතුටට පත් වූ දවසක්

ගොඩක් අවස්ථා තිබෙනවා. ඒ අතරින් මගේ සංගීත කණ්ඩායමේ මම සංගීත අධ්‍යක්ෂණය කරලා කරපු පළවෙනි ෂෝ එක දවසේ තමයි මට ගොඩක්ම සතුටු හිතුනේ.

බය කියන හැගීම දැනිච්ච මොහොතක්

දවසක් පරෙයි දූපතේ ෂූට් එකකට ගිහිල්ලා වතුරේ ගිලෙන්න ගියා. මැරෙන්න ඔන්න මෙන්න තියලා බේරුණා. එදා නම් මරණ බය දැනිච්ච දවසක්.

අනුහස් සාමාන්‍යයෙන් කොයි වගේ කෙනෙක් ද ඇහුවොත්

මම පුළුවන් හැම තිස්සේම ගෙදර ඉන්න තමයි කැමති. යාළුවොත් එක්ක රස්තියාදුවේ යනවා වගේ වැඩ වලට මම ආස නෑ. මං හරි පාඩුවේ ඉන්න කොල්ලෙක්. 

රවීන් ළග තියෙන නරකම පුරුද්ද

මගේ නරකම පුරුද්ද තමයි වාහනය වේගයෙන් පැදවීම. මම වේග ලෝලියෙක්. මගේ හොබී එක තමයි වාහන බැලීම, වාහන ගැන කියවීම, වාහන වේගයෙන් පැදවීම. වෙන කොල්ලෝ කෙල්ලෝ දිහා බලන තාලේට මම බලන්නේ වාහන දිහා. වාහන දිහා බලනවා ඇරෙන්න මට කෙල්ලන්ව පේන්නේ නෑ. සමහර වෙලාවට කෙල්ලෝ හිතනවා මම මේ එයාලා දිහා බලන්නේ කියලා. ඒත් ඇත්තටම මම බලන්නේ කෙල්ලගේ වාහනය දිහා.

කැමැතිම ගායිකාව, ගායකයා

ගායිකාව නම් ශ‍්‍රියා ගෝෂල්. ගායකයා වික්ටර් රත්නායක

ජීවිතයේ ඉටුකරගන්න තියෙන ඉලක්කය

ඉලක්ක කියලා ලොකුවට පොතේ ලියාගෙන සැලසුම් ගහලා නෑ. උද්ගතවන තත්ත්වයන්ට අන්වර්තනය වෙලා නොසැලී ඉන්න එක තමයි පළමුවෙනි කාරණාව. එන දේට මුහුණ දෙනවා වගේම අඩියෙන් අඩිය ඉස්සරහට තමයි යන්නේ. මට පුළුවන් උපරිම ඈතකට මම  යනවා.

තව විස්තර කියවන්න